NE Zone Championship ah Mizoram Senior Mixed Team ten Final an lut

06^th September, 2017

Northeast Zone Interstate Badminton Championship khelh mek ah Senior Mixes Team Semi Final khelh zawh a ni a, Final ah Mizoram leh Manipur an in hmachhawn ang.

Semi Final khelh ah hian Mizoram leh Sikkim Team te intum in Mizoram tana Mens Singles khel Samu-a a inhliam avangin M. Joseph a rawn lut a, Sikkim lam erawhin an players pangngai Amon Rai rawn dah lut lehin game tan a ni a, Rai chungnung zawkin game hmahruai chu 21 – 17 in a rawn la a, game khelh chhunzawm leh a ni a, M. Joseph in a game rawn siamtha in game a rawn thunun chho a, chhungnung chho zelin second game leh deciding game chu 21 – 9 leh 21 – 18 in Mizoram tan chakna a rawn chang a ni. Womens Singles khelh lehnghal a ni a, Mizoram tan Lalrinzuali rawn chhuakin Sikkim aiawh turin Sunandita Bisti a rawn pen lut ve a. Game tan a nih atangin Zuali’n game thunun nghalin game ah hmahruaitu nihna a chang chho nghal a. Harsa lo tak leh Mizoram tana 2-0 a hma hruai theihna turin 21-15 leh 21-13 in chakna a rawn chang ve lehnghal a ni. Mens Doubles khelh chhunzawm leh a ni a, Mizoram Team ten Final an luh theihna turin Muanawma leh Lalmama an rawn pen lut a, Sikkim lam tan Mandeep leh Rikesh Rai an rawn lut ve bawk. Mizo shuttlers te game ah chungnung zawkin game an thunun nghal a, NE Zone Championship a, Senior Team Final luh theihna turin 21-9 leh 21-16 a chakna changin Mizoram Team ten Final an lut ta a ni. Final hi vawiin vek hian khelh leh a ni ang.